پروان ولایت کې دافغاني سرې میاشتې له لوري ۲۰۰ سیلاب ځپلو کورنیو سره مرسته ترسره شوه!
د یکشنبې په ورځ د روان ۱۴۴۳ سپوږمیزکال د شوال میاشتې پر ۱۵ مه نېټه د افغاني سرې میاشتې ټولنې له لوري د پروان ولایت په شینواري ولسوالۍ کې ۲۰۰ سیلاب ځپلو کورنیو ته د خوراکي او غیر خوراکي توکو مرسته ووېشل شوه.
یاده مرسته چې د ترکیې هېواد له لوري چمتو شوې وه؛ د هرې کورنۍ لپاره پکې ۱۲.۵ کیلو مکروني، ۲ کیلو وريژې، ۳ کیلو ترمیده اوړه، ۲ کیلو لوبیا، ۳ کیلو بوره، ۲ کیلو نخود، ۲ کیلو نسک، ۲ کیلو دال، ۳ لیتره غوړي، ۱۰ کیلو اوړه او څلور تختې کمپلې شاملې وې.
د یادونې وړ ده چې د څلورو کمپلو له ډلې یوه یې د ترکیې هېواد او پاتې نورې یې د افغاني سرې میاشتې ټولنې له لوري چمتو شوې وې.
