هلمند ولایت کې د افغاني سرې میاشتې له لوري ۳۰۰۰ اړمنو کورنیو سره د مرستو ویش پیل شو!
د هلمند ولایت په مرکز لښکرګاه ښار کې نن د روان ۱۴۰۰ لمریز کال د مرغومي پر ۱۲مه د افغاني سرې میاشتې له لوري ۳۰۰۰ اړمنو کورنیو ته د مرستو ویش پیل شو، چې په کې نن ۵۰۰ اړمنو کورنیو سره د خوراکي او غیر خوراکي توکو مرسته وشوه.
یاده اته قلمه مرسته چې د نړیوال فدراسیون له لوري چمتو شوې؛ په کې ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او یو پاکټ BP۵ بیسکوټ شامل دي.
ټاکل شوې چې د افغاني سرې میاشتې له لوري به په څو ورځو کې دننه په هلمند ولایت کې ټولټال ۳۰۰۰ اړمنو کورنیو ته یاده مرسته وویشل شي، چې په کې به ۱۵۰۰ کورنیو ته د هلمند ولایت په مرکز لښکرګاه کې او پاتې ۱۵۰۰ مرستې د هلمند ولایت په څو ولسوالیو کې وویشل شي.
