هلمند؛ له ښوونیز مرکز څخه ۱۲۰ تنه زده کوونکي فارغ شول
سه شنبه، ۲۰ جمادی الأولی ۱۴۴۷
د افغاني سرې میاشتې له لوري د هلمند ولایت اړوند د ځوانانو او رضاکارانو له ښوونیز مرکز څخه د اداري مهارتونو په برخه کې ۱۲۰ تنه زده کوونکي د درې میاشتنیو زده کړو تر بشپړولو وروسته د يوې غونډې په ترڅ کې فارغ شول، چې له مخې یې بریالي زده کوونکي د ډالیو په ورکړې سره وستایل شول.
د یادونې وړ ده، چې اوسمهال په یاد ښوونیز مرکز کې ۵۸۰ تنه هغه زده کوونکي چې په شخصي ښوونیزو مرکزونو کې د فيس ورکولو توان نه لري؛ د قرآن کریم، سیرت النبي صلى الله عليه وسلم، لیک لوست، ریاضي، انګلیسي او کمپیوټر برخو کې په وړیا ډول زده کړې ترلاسه کوي.
