هرات کې د سړې هوا د مخنیوي په موخه پر ۵۰ راستنو شوو کورنیو کمپلې ووېشل شوې
شنبه، ۵ شعبان ۱۴۴۷
د افغاني سرې میاشتې له لوري د هرات ولایت د مرکز په اړوندو سیمو او انجیل ولسوالۍ کې پر ۵۰ راستنو شوو کډوالو کورنیو ۳۹۰ کمپلې ووېشل شوې.
دغه مرسته له یادو کورنیو سره د سړې هوا له زیانونو څخه د ځان ساتنې په موخه ترسره شوه.
افغاني سره میاشت د یوې ملي، بېطرفه او بشرپالې ټولنې په توګه، په سختو شرایطو کې د زیانمنو وګړو او بېرته راستنېدونکو کډوالو د ملاتړ لپاره خپلې بشري مرستې دوامداره ساتي.
