نورستان کې د افغاني سرې میاشتې له لوري له ۲۲۷ نورو کورنیو سره د خوراکي توکو مرسته وشوه!
نن د روان ۱۴۰۰ لمریز کال د مرغومي پر ۷مه د نورستان ولایت په مرکز پارون او اړوندو سیمو کې د افغاني سرې میاشتې له لوري له ۲۲۷ نورو بېوزلو کورنیو سره د خوراکي توکو مرسته وشوه.
یاده مرسته چې د ترکیې هېواد د سرې میاشتې له لوري شوې ده؛ په کې ۲۰ کیلو اوړه، ۱۰ کیلو وریژې او ۶ لیتره غوړي شامل دي. دا مرسته نن د نورستان ولایت په مرکز پارون کې د چتراس، څوڅوم، کشتکي او ډیوه کلیو اوسېدونکو او یو شمېر داخلي بې ځایه شویو کورنیو ته وویشل شوه.
تېره ورځ هم د نورستان مرکز پارون کې په داشټوی کلي کې ۷۱ کورنیو ته د افغاني سرې میاشتې له لوري مرسته ویشل شوې وه. ټاکل شوې، چې په نېږدې ورځو کې به په پارون کې ۶۰۰ نورو بې وزلو کورنیو ته هم د افغاني سرې میاشتې له لوري د خوراکي توکو مرسته وویشل شي.
