نورستان کې د افغاني سرې میاشتې له لوري د مرستو د وېش لړۍ ۵۲۶ کورنیو ته ورسېده!
نن د روان کال ۱۴۰۰ لمریز کال د مرغومي پر ۸مه نېټه د نورستان په مرکز پارون کې د تېرو ورځو په تعقیب یو ځل بیا د افغاني سرې میاشتې له لوري ۲۲۸ اړمنو کورنیو ته د خوراکي توکو مرسته وویشل شوه. په مرسته شویو اړمنو کورنیو کې د نورستان د ګڼو ولسوالیو اوسېدونکي شتون لري، چې ډېری یې داخلي بې کوره شوي کډوال دي.
یاده مرسته چې د ترکیې هېواد د سرې میاشتې له لوري شوې ده؛ په کې ۲۰ کیلو اوړه، ۱۰ کیلو وریژې او ۶ لیتره غوړي شامل دي.
په نورستان ولایت کې په تېرو دوه ورځو کې هم ۲۹۸ اړمنو کورنیو ته د خوراکي توکو یاده مرسته د افغاني سرې میاشتې له لوري ویشل شوې وه.
