میدان وردګ !
د افغاني سرې میاشتې وروستي معلومات ښیي، چې میدان وردګ ولایت کې د تېرې شپې د ورښت او سیلابونو له امله جلریز ولسوالۍ کې ۳۱ تنه شهیدان شوي، ۱۵ تنه ټپیان شوي، ۱۱۰ کورونه ړنګ شوي او زرګونه جریبه کرنیزې ځمکې ته زیان اوښتی. دایمرداد ولسوالۍ کې سیلابونو ۹ کورونه ړنګ کړي چک ولسوالۍ کې ۱۶ کورونه ړنګ شوي او ۴ تنه ټپیان شوي. میدان ښار کې ۲ تنه شهیدان شوي، ۴ تنه ټپیان شوي او ۱۷ کورونه ړنګ شوي. جلریز ولسوالۍ ته له سیلاب څو ساعته وروسته د افغاني سرې میاشتې د روغتیاپالو او حوادثو ټیمونه د ټپیانو درملنې او د زیانممو لاسنیوي ته رسیدلي او د زیانمنو او ټپیانو لاسنیوی یې کړی. ۳۰ هغو کورنیو ته چې کورونه یې بشپړ ړنګ شوي د افغاني سرې میاشتې له لوري بیګاه خیمې، ترپالونه، د اوبو د ذخیره کولو وسایل او د پخلنځي اړین توکي وویشل شول.
