محترم رحمت الله رحمانی د ننګرهار د سرې میاشتې د رییس په توګه ور وپېژندل شو!
د افغاني سرې میاشتې ټولنې د سرپرست رییس ښاغلي مولوي مطیع الحق خالص له حکم سره سم د روان ۱۴۰۰ لمریز کال د لیندۍ پر ۷مه نېټه ښاغلی رحمت الله رحماني نن یکشنبه د یو لړ مراسمو په ترڅ کې د ننګرهار د سرې میاشتې د ريیس په توګه د افغاني سرې میاشتې ټولنې د داخلي تفتيش رییس مولوي محمد نسیم احمدي، د ختيځې حوزې د همغږی رييس ميا حفيظ الدين قمري، د ولایاتو د امور و د تنظیم ريیس محمد صدیق شمس او د ننګرهار د سرې میاشتې ریاست د پخواني ریيس ښاغلي ظهیرالله همدرد له خوا د ننګرهار ولایت د سرې میاشتې ریاست منسوبینو ته ور وپېژندل شو.
د یادولو وړ ده چی ددې ریاست پخوانی ريیس ښاغلی ظهیرالله همدرد دوه ورځې وړاندې د افغاني سرې میاشتې ټولنې په مرکزي دفتر کې د امنیت او مصئونیت د رییس په حیث مقرر شو.