لوگر کې د افغاني سرې میاشتې له لوري ۵۰۰ کورنیو ته مرسته ووېشل شوه!
نن د يکشنبې په ورځ د روان ۱۴۰۰ لمریز کال د کب پر ۲۲مه نېټه د افغاني سرې میاشتې له لوري د لوګر ولایت په محمدآغې ولسوالۍ کې ۵۰۰ بېوزلو او اړمنو کورنیو ته د خوراکي او غیر خوراکي توکو مرسته د افغاني سرې مياشتې د سويل لويديځ زون د ریيس مولوي الياس خېل ناصري او په لوګر ولایت کې د افغاني سرې میاشتې د رییس مولوي نصرت په شتون کې ووېشل شوه.
یاده مرسته، چې د ترکيې د خلکو له لوري چمتو شوې وه؛ په کې هرې کورنۍ ته ۵۰ کیلو اوړه، يوه بسته خوراکي توکي او یوه بسته ژمنۍ البسه شامل دي.
