له ايران راستانه شوي زرګونه کډوال؛ اسلام قلعه کې پاخه خواړه او روغتيايي مرستې ترلاسه کوي
جمعه، ۱ محرم الحرام ۱۴۴۷
د افغاني سرې مياشتې د مشرتابه په لارښوونه د هرات ولايت اسلام قلعه بندر کې د ځانګړي پلاوي، ځايي کارکوونکو او رضاکارانو له لورې له ايران څخه راستانه شوو زرګونو کډوالو ته بېړنۍ بشري او روغتيايي خدمتونه وړاندې کېږي.
سيمه کې د افغاني سرې مياشتې د دوه ګرځنده روغتيايي ټيمونو لخوا په سلهاوو کډوالو ته روغتيايي خدمتونه وړاندې شوي، او پر ۴ زرو تازه راستانه شوو کډوالو د پخو خوړو ترڅنګ د څښاک اوبه هم وېشل شوي دي.
د يادونې وړ ده چې دا لړۍ نه يوازې په اسلام قلعه، بلکې د تورخم او کندهار په انځرګي پنډغالي کې هم دوام لري.
