له افغاني سرې میاشتې سره د اِم ټي اِن له لوري د ۶۵۰۰۰۰ افغانیو په ارزښت مرسته وشوه
د اِم ټي اِن شرکت له لوري افغاني سرې میاشتې ټولنې سره د ۳۰۰۰ مختلفو سایزونو جمپر مرسته ترسره شوه. یاده مرسته د ۶۵۰۰۰۰ افغانیو په ارزښت د اِم ټي اِن شرکت استازي ښاغلي اجمل شينواري له لوري د افغاني سرې میاشتې ټولنې د بهرنیو اړیکو رییس ښاغلي غلام حبیب حسام ته د ملي ټولنې په مرکزي دفتر کې وسپارل شوه.
ښاغلي غلام حبیب حسام د افغاني سرې میاشتې ټولنې په استازیتوب له اِم ټي اِن شرکت څخه د مننې ترڅنګ د یادو مرستو د تداوم غوښتنه وکړه.
