فاریاب؛ د کوچنیو کاروبارونو او بازار موندنې څلور ورځنی روزنیز ورکشاپ پای ته ورسېد
چهارشنبه، ۲ شعبان ۱۴۴۷
د افغاني سرې میاشتې له لوري د فاریاب ولایت په مرکز میمنې او د قیصار ولسوالۍ کې د کوچنیو کاروبارونو او بازار موندنې تر عنوان لاندې څلور ورځنی روزنیز ورکشاپ، چې ۳۵۰ تنو پکې ګډون درلود، په بریالیتوب سره پای ته ورسېد.
په ورکشاپ کې ګډونوالو ته د کوچنیو کاروبارونو د پیل، له پېرودونکو سره د غوره چلند او ښو اړیکو په درلودلو، بازار موندنې او د کاروبار د مالي پلان د جوړولو په اړه په عملي او نظري بڼه معلومات ورکړل شول.
