عمومي رئیس: د بلخ زلزله ځپلو ته په وخت رسېدنه کې د کارکوونکو او رضاکارانو هڅې ستایم
پنجشنبه، ۲۲ جمادی الأولی ۱۴۴۷
د افغاني سرې میاشتې عمومي رئیس، ښاغلي شیخ الحدیث شهاب الدین دلاور د یو پلاوي په ملتیا بلخ ولایت ته د خپل سفر په ترڅ کې د شمال زون ریاست، د بلخ نمایندګۍ او د مرستون له کارکوونکو سره د دوی هڅونې په موخه وکتل.
کتنه کې ښاغلي دلاور په بلخ کې د وروستۍ زلزلې له امله زیانمنو شوو کورنیو ته د کارکوونکو او رضاکارانو پر وخت رسېدنې خوښي وښوده، د دوی هڅې یې وستایلې او زیاته یې کړه: د بلخ زلزله ځپلو ته په وخت رسېدنه کې د کارکوونکو او رضاکارانو هڅې ستایم.
نوموړي په خپلو خبرو کې مسؤولینو ته وویل: تاسو ټول باید د پوره اخلاص، صداقت او ایماندارۍ له مخې خپلې دندې ترسره کړٸ او د پېښځپلو ستونزو رسېدنې ته لومړیتوب ورکړٸ.
پای کې ښاغلي دلاور، زلزله ځپلو ته د ښه خدمت او په وخت رسېدنې په پار د شمال زون ریاست، نماینده ګۍ او مرستون کارکوونکو او رضاکارانو د هڅونې په موخه دوی ته یوه اندازه نغدي مرسته هم ووېشله.
