سرپرست عمومي رئیس په افغانستان کې د قطر د سرې میاشتې له مسٸول سره راستنېدونکو کډوالو ته د بېړنيو مرستو د چمتو کولو په موخه ناسته وکړه!
سرپرست عمومي رئیس په افغانستان کې د قطر د سرې میاشتې له مسٸول سره راستنېدونکو کډوالو ته د بېړنيو مرستو د چمتو کولو په موخه ناسته وکړه!
نن چهارشنبه د شوال میاشتې پر ۱۱مه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور او د نوموړي مرستیال ښاغلي حافظ عزیز الرحمن په خپل کاري دفتر کې د افغانستان لپاره د قطر د سرې میاشتې له مسٸول ښاغلي حسین احمد بوتاني سره له ګاونډيو هېوادونو د راستنېدونکو کډوالو ستونزو ته د رسېدنې او هغوی سره د مرستو ترسره کولو په پار ناسته وکړه.
لیدنه کې سرپرست عمومي رئیس د دوی په راتګ خوښي وښوده او له افغاني سرې میاشتې سره د اړمنو او بې سرپرسته وګړو د لاسنیوي برخه کې یې د دوی د هر اړخیزو مرستو او ملاتړ مننه وکړه.
دا راز ښاغلي دلاور په افغانستان کې د قطر د سرې میاشتې له مسئول څخه غوښتنه وکړه، څو له ګاونډيو هېوادونو راستنېدونکو کډوالو ته خپلو سیمو ته د لېږد په موخه د ترانسپورتي اسانتیاوو رامنځته کولو، روغتیایي خدماتو او خوراکي او غیر خوراکي توکو د چمتو کولو برخه کې له افغاني سرې میاشتې سره مرسته وکړي.
ورپسې ښاغلي بوتاني په خپلو څرګندونو کې د راستنېدونکو کډوالو د لاسنیوي برخه کې د همکارۍ ژمنه وکړه او زیاته یې کړه چې یوه خير خواه قطري میرمن هوډ لري، تر څو نږدې راتلونکي کې کابل ته راشي او د افغاني سرې میاشتې له لارې د یوه روغتیایي مرکز او نجونو لپاره د ښوونځيو او مدرسو جوړولو په اړه د سرې میاشتې له رهبرۍ سره وګوري او له دې لارې د افغانانو لاسنیوی وکړي.
