سرپرست عمومي رئیس د سترګو په رنځ د اخته ناروغانو د درملنې او عملیاتو د بهیر ارزونه وکړه
سرپرست عمومي رئیس د سترګو په رنځ د اخته ناروغانو د درملنې او عملیاتو د بهیر ارزونه وکړه
شنبه، ۳ ذوالحجه ۱۴۴۶
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور مرکزي روغتون کې د البصر خیریه بنسټ د روغتیاپالانو له لوري د سترګو په رنځ د اخته ناروغانو د درملنې او عملیاتو له څلور ورځني روان بهير د ارزونې او ناروغانو ته د مٶثرو او پر وخت خدماتو د رسونې په موخه ليدنه وکړه.
سرپرست عمومي رئیس د البصر خیریه بنسټ له لوري په هرات او مزارشریف کې بې وزله وګړو ته د سترګو د درملنې او عملیاتو برخه کې د ترسره شویو او پلازمېنه کابل کې د وړاندې کېدونکو خدماتو مننه وکړه، د روغتیاپالانو هڅې یې وستایلې او د الله جل جلاله له دربار څخه یې ناروغانو ته د کاملې شِفاء او روغتیاپالانو ته د عظیم اجر غوښتنه وکړه.
دا راز ښاغلي دلاور ډاډ څرګند کړ چې د افغاني سرې مياشتې له لوري د سوري زړه په رنځ د اخته ناروغانو د درملنې او عملياتو لپاره نوي روغتون کې د خدماتو پيل، نږدې راتلونکي کې د سترګو، شونډو او تالو چاود ناروغانو د درملنې په موخه د روغتيايي ټيمونو د بيا ځلې راتګ او د نورو بېلا بېلو ناروغيو د درملنې برخه کې به له بهر څخه د روغتياپالانو رابللو ته دوام ورکړي.
