زابل!
وګړو ته د افغاني سرې میاشتې په اړه عامه پوهاوی ورکول د افغاني سرې میاشتې عمده فعالیت دی، په همدې موخه، نن يکشنبه د ربيع الأول پر ۹ مه د افغاني سرې مياشتې زابل ولایت په ښوونیز مرکز کې ۲۰ نظامي مسئولینو ته یوه ورځنۍ نشراتي غونډه ترسره شوه. په ياده غونډه کې ګډونوالو ته د افغاني سرې میاشتې تاریخچه، بنسټیز اصول، فعاليتونه او نښان په مفصل ډول شرحه شول. د غونډې په پای کې پر ګډونوالو د افغاني سرې میاشتې د فعالیتونو مجلې، د پيژندني کتابونه او د افغاني سرې میاشتې په نښان مزین قلمونه هم ووېشل شول.
