د کارموندنې خبرتیا!

د دندې عنوان: رواني ډاکټره

اړونده اداره: د افغاني سرې میاشتې ټولنه

د دندې ځای: بلخ

د بست ډول: رسمي، درېیم بست

د بستونو شمېر: ۱

جنسیت: اناث

کاري وخت: پوره ورځ

د معاش کچه: د افغاني سرې میاشتې د معاشونو له تګلارې سره سم

د بست کوډ نمبر : HR@0272

د اسنادو د استولو وروستۍ نېټه:

١۴۴۸/۱/۲۱

۱۴۰۵/۴/۱۶

2026/7/July

د دندې موخه:

 له درملو پرته په انفرادي او ټولنیزه توګه رواني ناروغانو ته کیفیت لرونکي معیاري خدمتونه وړاندې کول.

دندې او مسؤولیتونه:

لومړی: کاري پلان ترتیبول او اړوند پورته مسئول ته په میاشتني، درې میاشتني (ربعوار) او کلني ډول د ټولو کړنو راپور ورکول.

دویم: په بېلابېلو حالاتو کې د مراجعینو رواني حالت ارزول.

درېیم: له درملو پرته د پېژندنې، چال چلند او رفتار په واسطه د ناروغانو درملنه کول.

څلورم: رواني ټولنیز مشورتي خدمتونه چمتو کول، له رواني ناروغ سره مرکې کول، هڅوونکې مشورې ورکول او د ناروغ رواني فشارونو لاملونه موندل.

پنځم: په بېړنیو حالتونو کې د رواني ناروغ په تداوۍ کې ځان ښکېلول او بېړنۍ اړینې مشورې ورکول.

شپږم: د رواني ناروغیو درملنې ناستې تنظیمول، ناروغانو ته په انفرادي او ډله ییزه توګه مشورې ورکول.

اووم: د کورنۍ او ټولنې په کچه رواني مداخلې وړاندې کول

 اتم: د رواني روغتیا د ظرفیت لوړولو او د رواني ټولنیزو مشورو په پروګرامونو کې ونډه اخیستل.  

نهم: ټولې هغه چارې چې د مرکز لخوا یې سپارښتنه کیږي ترسره کول.

لسم: په پرلپسې توګه د غوره درملنې په موخه د نارینه او ښځینه رواني ناروغانو له مرکزونو څخه خبر اخیستل.

یوولسم: بهرنیو رواني مراجعینو ته اړینې مشورې ورکول.

 دولسم : د هېواد نافذه قوانینو، د افغاني سرې میاشتې ټولنې قانون، اساسنامه او د افغاني سرې میاشتې ټولنې ټولو لائحو او کړنلارو ته پاملرنه او پابندي کول.

دیارلسم: په اړوندو برخو کې د ستونزو د حل په موخه پورته مسؤول ته مفیدې مشورې ورکول.

څوارلسم: د مراتبو سلسلو ته پاملرنه کول.

پنځلسم: حاضرۍ ته جدي پابندي کول.

شپاړسم: له مراجعینو او کارکوونکو سره غوره اخلاق او ښه چلند کول.

اوولسم: د افغاني سرې میاشتې ټولنې د قانون، د بشري سرچینو د ریاست د کړنلارې او ټولو هغو اړوندو کاري دندو چې د اړوند آمر یا رئیس له لوري یې لارښوونه کېږي؛ سرته رسول.

اتلسم: اداري رازونه ساتل.

نولسم: د خپل مسؤولیت د موخو او راتلونکو کړنو د لا غوره پلې کیدو او لاسته راوړنو په منظور؛ نوښتونه رامنځته کول او اړین تصمیمونه نیول.

شلم: د حجاب په شمول ټولو دیني مسائلو ته په عملي توګه جدي پاملرنه کول.

یوویشتم: د ښو لاسته راوړنو په موخه د ترلاس لاندې کارکوونکو ټولې ورسپارل شوې کړنې تعقیبول، څارل او ارزیابی کول.

دوه ویشتم: د اړونده څانګې له ټولو وسائلو ( توکو او عراده جاتو) څخه معقوله ګټه اخیستل او ساتل.

څلورویشتم: دا لائحه له منظورۍ وروسته د اجرا وړ ده، خو وروستۍ نده؛ د اړتیا په صورت کې زیادت، کمښت، لنډښت، الغاء او تعدیل پکښې راتلای شي.

د دندې شرایط:

د معالجوي طب په برخه کې لږ تر لږه د لیسانس سند درلودل؛ په یاده برخه/ رشته کې د لوړې تحصیلي درجې لرونکو ته لومړیتوب ورکول کېږي.

د دندې اړوند لږ تر لږه یو (1) کلنه کاري تجربه درلودل.

د عامې روغتیا وزارت د ایګزېټ (Exit) ازموینې سند درلودل اړین دي.

په رسمي ژبو (پښتو او دري) پوهېدل او په انګلیسي ژبه د لیکلو او خبرو کولو وړتیا درلودل.

په دندې پورې اړوند کمپیوټري پروګرامونو برخه کې لازم مهارتونه درلودل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تخنیکي تجربو تصدیقونه او تذکره) پي ډي اف بڼه لاندې برېښنا لیک ته د ثبت په موخه و استوئ.

برېښنا لیک:

hr@arcs.af

د اړیکې شمېره: ‪‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬

0701436832

یادونه: دندې ته د نوم لیکنې او اېمېل آدرس د رالېږلو پر مهال، د اړونده بست عنوان او کوډ نمبر لیکل اړین او نا تکمیله اسناد د منلو وړ نه دي.