د کابل ولایت په چهار آسیاب ولسوالی کې د افغاني سرې میاشتې ټولنې له لوري ۵۰۰ کورنیو ته مرسته ووېشل شوه!
نن پنجشنبه د روان ۱۴۰۰ لمریز کال د کب پر ۱۹مه نېټه د افغاني سرې میاشتې ټولنې له لوري د کابل ولایت په چهار اسیاب ولسوالۍ کې ۵۰۰ بېوزلو او اړمنو کورنیو ته، چی د کابل استازولۍ له لارې سروې شوي ول، د خوراکي او غیر خوراکي توکو مرسته د افغانې سرې مياشتې ټولنې د کابل څانګې ریيس مولوي عبد الله "حماد" د سری میاشتی ویاند نوراغا "صاحب زاده" د ترکی هیواد د سری میاشتی استازي ښاغلي ادم کارکایه ، د کابل سرې مياشتې یو شمېرکارکونکو او رضاکارانو په شتون کې ووېشل شوه.
یاده مرسته، چې د ترکیې هېواد د سرې میاشتې له لوري چمتو شوې وه؛ په کې هرې کورنۍ ته ۵۰ کیلو اوړه ، ۲.۵ کیلو وريژې، ۱ کیلو لوبیا، ه.۳ کیلو نخود ، ۵ لېټره غوړي، ۴ قوطي د بانجانو رُب، یوه بسته ژمنۍ البسه شامل دي وویشل شوه.
د افغاني سرې میاشتې ټولنې د کابل څانګې رییس د مرستو د وېش پر مهال د ترکېې هیواد له مرستو مننه وکړه او د یاد هیواد له استازو څخه یې و غوښتل چې دا مرستې لا زیاتې کړي تر څو وکولای شو د بیوزله هیواد والو لاسنیوی وکړو.
ورپسې د ترکې هېواد استازی وویل، مونږ د ترکیې هیواد د نیکۍ د مرستو کاروان له لارې خپلې مرستې ترسره کوو او ژمن یو، چې دا لړۍ به دوامداره ساتو .
د یادونې وړ ده چې دا مرسته د ۹۲۰ ټنه خوراکي او غیرخوراکي مرستو له جملې څخه ده، چې د نیکۍ ریل په دوهم قطار کې کابل ته رارسېدلې او د سرې میاشتې له لوري ووېشل شوه.
