د واورې ورښت؛ پروان کې زیانمنې کورنۍ سره بېړنۍ مرسته وشوه
پنجشنبه، ۱۰ شعبان ۱۴۴۷
افغاني سرې میاشتې د پروان ولایت د سیاګرد ولسوالۍ په یخدرې سیمه کې د واورې د ورښت له امله یوې زیانمنې کورنۍ سره ۴ قلمه غیر خوراکي مرسته وکړه، چې په کې ۱ خېمه، ۶ کمپلې، ۱ ترپال او ۱ د پخلنځي د توکو سیټ شامل و.
دغه مرسته له یادې زیانمنې کورنۍ سره د لنډمهالې سرپناه د برابرولو او بېړني لاسنیوي په موخه ترسره شوه.
افغاني سره میاشت د طبیعي پېښو له امله د زیانمنو شوو کورنیو د بېړني لاسنیوي او پر وخت د رسېدنې په موخه، تل هڅه کوي څو د بشري مرستو له لارې د هغوی بېړنۍ اړتیاوې پوره کړي.
