د مالي تګلارې جوړولو په اړه کارکوونکو ته روزنیز ورکشاپ پیل شو
یکشنبه، ۲ صفرالمظفر ۱۴۴۷
د افغاني سرې میاشتې په مرکزي دفتر کې د مالي ریاست او کنټرول آمریت یو شمېر کارکوونکو ته د مالي تګلارې جوړولو، تنظیم او تطبیق په موخه درې ورځنی روزنیز ورکشاپ پيل شو.
د یاد ورکشاپ د پرانیستې پر مهال د مالي چارو رئیس ښاغلي حافظ شبیراحمد عثماني د ورکشاپ ارزښت ته په اشارې دا روزنیز پروګرام د مالي چارو د شفافیت او معیاري مالي سیستم د پیاوړتیا لپاره مهم وباله او له ټولو کارکوونکو څخه يې وغوښتل، څو له دغه فرصت څخه اعظمي ګټه واخلي او خپل کاري ظرفیت لوړ کړي.
دې ورکشاپ کې به ګډونوالو ته د لګښتونو، عوایدو، بانکدارۍ د مدیریت او د کلنۍ بودیجې د ترتیب اړوند مسایلو په تړاو تفصیلي معلومات ورکړل شي.
