د قطر او افغاني سرې میاشتې ګډ بشري ماموریت؛ کونړ زلزله ځپلو لپاره د مرستو وېش پیليږي
یکشنبه، ۲۸ ربیع الأول ۱۴۴۷
د قطر د سرې میاشتې د پېښو برخې مسٸول ښاغلي خالد شاهین او په افغانستان کې د یاد هېواد سرې میاشتې د پروګرامونو مسٸول ښاغلي احمدالعثماني د افغاني سرې میاشتې له مرستیال ښاغلي حافظ عزیزالرحمن سره د کونړ زلزله ځپلو کورنیو سره څه موده وړاندې د اعلان کړو مرستو د وېش بهیر د پيل او ګډو فعاليتونو کې د لا ښې همغږۍ په موخه وکتل.
دواړو لوریو په دې برخه کې پر ګډو همکاریو ټینګار وکړ او د زلزله ځپلو اړتیاوو ته په کتو یې د خوراکي، غیر خوراکي توکو او روغتیايي مرستو د برابرولو په لارو چارو هر اړخیز بحث ترسره او مرستو د وېش په اړه یې لازمې پرېکړې وکړې.
