د زابل ولایت کې د افغاني سرې میاشتې له لوري ۱۹۰ کورنیو ته مرسته وشوه!
نن سه شنبه د روان ۱۴۰۰ لمریز کال د کب پر ۳مه نېټه د افغاني سرې میاشتې له لوري د زابل ولایت په مرکز کې ۱۹۰ نورو بېوزلو کورنیو ته د خوراکي او غیر خوراکي توکو مرسته وویشل شوه.
یاده مرسته چې د ترکیې د سرې میاشتې له لوري چمتو شوې وه؛ په کې هرې کورنۍ ته ۲ لیتره غوړي، ۱ بوتل روب ، ۵ کیلو مکروني، ۵ کیلو وریژې، ۳ کیلو نخود ، ۱ کیلو بوره ، ۱،۵ کیلو مالګه، ۲ کیلو د کــولچو اوړه، ۲۵ کیـلو اوړه ، ۲ جـــــوړې زنانــــــه چپلکې، ۲ جوړي د ماشومانو چپلکې، ۳ دانې جمپرونه، ۱ زنانه پړونی، ۱ دانه د سړیو پټو او ۳ تختې کمپلې شامل وو.
