د افغاني سرې میاشتې ټولنې له کارکوونکو سره د ملي ټولنې د نوي ریس تعارفي غونډه!
نن شنبه د روان ١٤٠٠ لمریز کال د وږي پر ٦ نیڼه د افغاني سرې میاشتې ټولنې سرپرست ریس ښاغلي سید صفت الله قریشي د افغاني سرې میاشتې ټولنې د اجرایوي مرستیال(سکرترجنرال) ښاغلي ډاکتر محمدنبي برهان، د سکرترجنرال د حمایوي او عملیاتي مرستیالانو ښاغلي الحاج محمد طیب یوسفزي او ښاغلي نوروز علي علیزاده په شتون کې د مرکزي دفتر له ریسانو، کارکوونکو او رضاکارانو سره د ملي ټولنې په لوی تالار کې تعارفي غونډه وکړه.
په غونډه کې ښاغلي قریشي صاحب ټولو کارکوونکو او مسؤلینو ته ډاډ ورکړ؛ ترڅو خپلې کړنې د سرې میاشتې د بنسټیزو اصولو په رڼا کې سرته ورسوي او همدارنګه د بشرپاله خدمتونو په وړاندې کولو کې له هر ډول تبعیض څخه ډډه وکړي.
