د افغاني سرې میاشتې ټولنې سرپرست رییس په کابل کې د نړیوال فدرېشن له رییس سره وکتل!
نن چهارشنبه د روان ۱۴۰۱ لمریزکال د وري میاشتې پر ۲۴ مه نېټه د افغاني سرې میاشتې سرپرست عمومي رییس ښاغلي مولوي مطیع الحق خالص په کابل کې د سره صلیب او سرو میاشتو نړیوال فدرېشن له رییس ښاغلي نیسیفور سره لیدنه ترسره کړه.
یاده ناسته د ښاغلي نیسیفور د رخصتۍ له پایته رسېدو وروسته د افغاني سرې میاشتې ټولنې او نړیوال فدرېشن تر منځ د لا ښې همغږۍ او کړنو په هکله د افغاني سرې میاشتې سکرترجنرال ډاکټر محمدنبي برهان په شتون کې ترسره شوه.
