د افغاني سرې میاشتې مشرتابه د افغانستان د اهل تشيع له عالي کميسون سره وکتل
سې شنبه، ۲۳ رجب ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور او مرستیال یې ښاغلي حافط عزیز الرحمن د افغانستان د اهل تشيع د عالي کميسون له مشر ښاغلي الحاج محمد علي اخلاقي، مرستيالانو او غړو سره د يو شمېر موضوعاتو په اړه وکتل.
ښاغلي دلاور، افغانستان د ټولو افغانانو ګډ کور ياد کړ، وطن ته د راستنېدونکو کډوالو ستونزو ته د رسېدنې په اړه یې د افغاني سرې میاشتې د ترسره کړو بشرپالو فعالیتونو په اړه خبرې وکړې او زياته يې کړه، چې افغاني سره مياشت د يوې خپلواکې او ناپېیلې ټولنې په توګه ټولو هېوادوالو ته خپل خيرپاله، روغتيايي او ښوونيز خدمتونه له هر ډول توپیر پرته ترسره کوي.
ورپسې د افغانستان د اهل تشيع د عالي کميسون مشر په خپلو خبرو کې راستنېدونکو کډوالو، اړمنو او پېښځپلو د لاسنیوي برخه کې د افغاني سرې میاشتې بشري خدمتونه اغېزمن وبلل او د تازه راستنو شوو کورنیو ستونزې یې شریکې کړې، چې د ښاغلي دلاور له لوري ورته د حل ډاډ ورکړل شو.
