د افغاني سرې میاشتې مشرتابه، زابل کې د اړمنو ستونزو د حل او مرستو د پراخوالي ډاډ ورکړ
د افغاني سرې میاشتې مشرتابه، زابل کې د اړمنو ستونزو د حل او مرستو د پراخوالي ډاډ ورکړ
نن سه شنبه د ذوالقعدې میاشتې پر ۲۹ مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن سره ددې خیریه ملي ټولنې اړوند د زابل ولایت نمایندګۍ مسٸول ښاغلي عبدالمنان فاروق د یاد ولایت د اړمنو او بې سرپرسته وګړو د اقتصادي ستونزو د حل په موخه لیدنه وکړه.
ناسته کې د زابل ولایت نمایندګۍ مسٸول د دغه ولایت د اوسېدونکو ستونزې شریکې او په همدې تړاو یې د افغاني سرې میاشتې له رهبرۍ څخه د مرستو د پراخوالي غوښتنه وکړه.
ورپسې سرپرست عمومي رئیس د یاد ولایت د اړمنو او بې سرپرسته وګړو د ستونزو د حل او د ژوند د لومړنیو اړتیاوو د برابرولو ترڅنګ ددغه ولایت اړمنو وګړو ته د بشري مرستو د پراختیا او لا ډيرښت په موخه ډاډ ورکړ.
