د افغاني سرې میاشتې مشرتابه، د تېز ذهن لرونکی افغان ماشوم وستایه
چهارشنبه، ۱۲ صَفَر ۱۴۴۷
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور د سمیع الله په نوم د تیز ذهن لرونکی هغه ماشوم وستایه، چې د «کالکیولېټر» په نوم د خپلو ځانګړو محاسبوي وړتیاوو له امله یې شهرت ترلاسه کړی او تازه له ګاونډي هېواد څخه خپل وطن ته راستون شوی دی.
ښاغلي دلاور د سمیع الله استعداد او وړتیا د ټولو افغانانو لپاره یو ویاړ وباله او نوموړي سره یې د هڅونې په موخه یوه اندازه نغدي مرسته هم وکړه.
