د افغاني سرې میاشتې مرستیال د قطر د سرې میاشتې له استازي سره لیدنه ترسره کړه!
نن دوشنبه د ربیع الاول پر ۱۵مه د افغاني سرې میاشتې مرستیال الحاج ملانورالدین ترابي د قطر هېواد د سرې میاشتې له استازي ښاغلي احمد العثماني سره په خپل کاري دفتر کې ناسته ترسره کړه.
په دې لیدنه کې دواړو لوریو په بېلابېلو موضوعاتو خبرې وکړې. د افغاني سرې میاشتې مرستیال الحاج ملانورالدین ترابي د قطر هېواد له هغو مرستو مننه وکړه، چې د اړمنو هېوادوالو د لاسنیوي په موخه یې افغاني سرې میاشتې ته سپارلي.
همدارنګه د قطر هېواد د سرې میاشتې استازې ښاغلي احمد العثماني د خپلو خبرو په لړ کې ژمنه وکړه، چې په نیږدې راتلونکي کې به له افغاني سرې میاشتې سره لا ډېرې مرستې ترسره کړي.
