تخار کې پر ۴ راستنو شویو کډوالو کورنیو د لنډمهالې سرپناه لپاره خېمې ووېشل شوې
پنجشنبه، ۶ ذو القعده ۱۴۴۷
د افغاني سرې میاشتې له لوري د تخار ولایت د مرکز تالقان ښار کې پر ۴ راستنو شویو کډوالو کورنیو د لنډمهالې سرپناه په موخه خېمې ووېشل شوې.
یادو کورنيو د استوګنې مناسب ځای نه درلود او د سرپناه د نشتون له امله له جدي ستونزو سره مخ وې.
په دې مرسته کې هرې کورنۍ ته یوه خېمه ورکړل شوه، څو د بیړنۍ سرپناه اړتیا یې تر یوه حده پوره شي.
د راستنو شویو هېوادوالو ملاتړ، لاسنیوی او د هغوی د ژوند د لومړنیو اړتیاوو پوره کول د افغاني سرې له لومړیتوبونو څخه دي.
