د افغاني سرې میاشتې عمومي ریس ښاغلي شهاب الدین دلاور او مرستیال یې ښاغلي حافظ عزیزالرحمن د محرم الحرام په ۲۰ نیټه، په خپل دفتر کې د اندونیزیا هیواد له سفیر سره د همغږۍ مشورتي ناسته ترسره کړه
![ناسته](/sites/default/files/2024-07/92e993f2-b1ab-433b-8630-02f65dcd25e6.jpeg)
د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور او د نوموړي مرستيال ښاغلي الحـ.ـ.ـافـ.ـ.ـظ عـ.ـ.ـزیز الرحـ.ـ.ـمن نن د محرم الحرام د مياشتې پر ۱۹مه، په خپل کاري دفتر کې په افغانستان کې د اندونیزیا هېواد له سفیر ښاغلي بوډي رحمت سوریا ساپوترا سره د همغږۍ مشورتي ناسته ترسره کړه.
یاده لیدنه کې د افغاني سرې میاشتې سرپرست عمومي رئیس له افغاني سرې میاشتې سره د اندونیزیا هېواد خيرپاله مرستې حیاتي وبللې او د هغوی د تېرو مرستو یې مننه وکړه، ښاغلي دلاور ډاډ څرګند کړ، چې د نړیوالو مرستندویه بنسټونو مرستې به د تېر په څېر په بشپړ عدالت او شفافیت تر مستحقو او پېښځپلو کورنیو رسوي، د افغاني سرې میاشتې سرپرست عمومي رئیس په خپلو خبرو کې د ماشومانو په منځ کې د سوري زړه ناروغي يوه لويه ننګونه یاده کړه او د یادو ناروغانو په درملنه کې یې له مقابل لوري د طبي وسایلو په برخه کې د همکاريو غوښتنه وکړه.
ورپسې د اندونیزیا هېواد سفير ښاغلي ساپوترا د افغاني سرې میاشتې خدمات وستایل او ډاډ یې څرګند کړ چې د سوري زړه د ناروغانو د درملنې په برخه کې به مرسته کوي، نوموړي په خپلو خبرو کې یادونه وکړه، چې نیږدې ورځو کې به د اندونیزیا د ولس له لوري رالېږل شوې ۵۰۰ ټنه د غیرې خوراکي توکو مرسته کابل ته را ورسېږي.