د افغاني سرې میاشتې سرپرست عمومی رئیس د مرکز او سمیه ایزو زونونو له مسؤلینو سره ناسته وکړه!
د افغاني سرې میاشتې سرپرست عمومی رئیس د مرکز او سمیه ایزو زونونو له مسؤلینو سره ناسته وکړه!
نن سه شنبه د شعبان د میاشتې پر ۱۹ مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن ددې خيريه ملي ټولنې مرکزي دفتر کې د مرکزي ریاستونو د ځينو رئیسانو په شتون کې د سيمه یيز زونونو رئیسانو سره دشته ستونزو حل او د خدماتو د لا ښه والي په موخه ناسته وکړه.
ناسته کې د افغاني سرې میاشتې سرپرست عمومي رئیس په خپلو څرګندونو کې د اسلام له نظره ددې خیریه ملي ټولنې پر مسئولیت او فعاليت رڼا واچوله او د بې سرپرستو کونډو، یتیمانو، ناروغانو او اړمنو لاسنیوی یې د دې ادارې بنسټیز هدف وباله.
نوموړي له اړوندو مسئولینو څخه په رښتینې توګه د خدماتو ترسره کولو ترڅنګ غوښتنه وکړه، څو اړو او محتاجو وګړو ته د مرستې رسونې په برخه کې له سستۍ، خیانت او فساد څخه ځان وساتي.
په اخر کې ټولو ګډونوالو خپلې ستونزې واورولې او د افغاني سرې میاشتې د سرپرست عمومي رئیس له لوري د لازمې همکارۍ او همغږۍ ډاډ ورکړل شو.
