د افغاني سرې میاشتې سرپرست عمومي رئیس د افغاني سرې میاشتې له مرکزي رییسانو او مستقلو آمرینو سره په اداري ناسته کې قطر، ترکیې او سعودي عربستان ته د وروستي سفر جزیات شریک کړل!
د افغاني سرې میاشتې سرپرست عمومي رئیس ښاغلي مولوي مطیع الحق خالص د افغاني سرې میاشتې له مرکزي رییسانو او مستقلو آمرینو سره په اداري ناسته کې قطر، ترکیې او سعودي عربستان ته د وروستي سفر جزیات شریک کړل. نوموړي په خپلو خبرو کې رئیسان وهڅول، چې د اړمنو او زیانمنو د بیړني لاسنیوي په هڅو کې نوښتونه رامنځ ته کړي او له ډیجیټلي سیستمونو په استفاده د افغاني سرې میاشتې د اُمور د پرمختګ ګامونه واخلي. ښاغلي مولوي مطیع الحق خالص وویل "نړیوال له افغاني سرې میاشتې سره د همکارۍ او مرستو اراده لري، خو که د بشري مرستو او لاسنیوي په برخو کې د افغاني سرې میاشتې د کارکوونکو ظرفیت لوړ وي، نو دا مرستې به په منظمه توګه له سالمو لارو افغانستان ته راشي او دلته به د غوره مدیریت په سیوري کې تر اړمنو ورسېږی". نوموړي وویل "موږ باید هېوادوالو ته د مرستو د ورکړې پر ځای داسې لارې په لاس ورکړو، چې په خپله ځان له اړتیا وژغوري او د چا مرستو ته اړ نشي". ناسته کې د افغاني سرې میاشتې مرکزي رئیسانو خپل نظرونه او مشورې شریکې کړې، چې د سرپرست عمومي رئیس له لوري یې په اړه د تطبیق ډاډ ورکړل شو.
