د افغاني سرې میاشتې رهبرۍ ته د بشري خدماتو د پياوړتيا او پراختیا په برخه کې معلوماتي پریزنټيشن وړاندې شو!
د افغاني سرې میاشتې رهبرۍ ته د بشري خدماتو د پياوړتيا او پراختیا په برخه کې معلوماتي پریزنټيشن وړاندې شو!
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور، سرپرست سکرتر جنرال ښاغلي مولوي روح الله عبدالسلام او په افغانستان کې د نړیوال فدراسیون سرپرست مسٸول ښاغلي میلن ګیزداویک، د ستراتیژیکې همغږۍ او بشري ديپلوماسۍ مسٸولې آغلې هُما نادر په شتون کې نن سه شنبه د ذوالقعدې میاشتې پر ۱۵ مه، د برتانیې هېواد د سره صلیب د ستراتېژیکو پالیسو د مرستیالې آغلې بېکا روبي له خوا د دې خیریه ملي ټولنې مرکزي دفتر کې د بشري خدماتو د پياوړتيا او پراختیا په موخه معلوماتي پریزنټيشن وړاندې شو.
د یاد پرېزنټېشن پر مهال سرپرست عمومي رئیس د بشري خدماتو او فعاليتونو د اغېزمنتیا او لا ښه والي په اړه د نویو معلوماتو او مشورو د شریکولو په برخه کې له دوی څخه د مننې ترڅنګ د دې خیریه ملي ټولنې په تشکیلاتي جوړښت کې د وړ او با استعداده کسانو په ګمارنه کې د بشپړ عدالت او ناپلوۍ ډاډ وړاندې کړ.
دا راز ښاغلي دلاور زیاته کړه چې په نړیواله کچه د بشري مرستو د کموالي له امله افغاني سره میاشت هم د بشري خدماتو د وړاندې کولو تر اغېز لاندې راغلې او دې برخه کې یې د لا زیاتې همکارۍ او همغږۍ غوښتنه وکړه.
د برتانیې هېواد د سره صلیب د ستراتېژیکو پالیسو مرستیالې د خپلې څېړنې له مخې د ۲۰۲۱ څخه تر ۲۰۲۵ کال پورې له خنډونو سره سره د افغاني سرې میاشتې له لوري د نورماله او دوامداره بشرپالو فعاليتونو او لاسته راوړنو ستاینه وکړه او د بېلابېلو ملي ټولنو له مسٸولینو سره د اړیکو ټینګولو، په ملي او نړیواله کچه د باور او اعتماد فضاء او داخلي عایداتي سرچینو رامنځته کولو په هکله د مشورو اخېستلو، تېرو بحراني حالتونو کې د ترسره شویو بشري مرستو مثبتو نقطو ته د پاملرنې برخه کې مهم او اړین معلومات وړاندې کړل او هم یې له افغاني سرې میاشتې سره د دوامداره مرستو هیله څرګند کړه.
