د افغاني سرې میاشتې د دعوت او ارشاد ریاست له لوري د مرکزي ریاست اړوندو کارکوونکو ته روزنیزه اصلاحي تشویقي غونډه دایره شوه!
د صفر المظفر په ۲۲مه نیټه د افغاني سرې میاشتې کارمندانو ته د دعوت او ارشاد د ریاست له لوري ښوونیزه تربیوي غونډه جوړه شوه، په یاده ناسته چې د افغاني سرې میاشتې د غونډو په تالار کې په لاره اچول شوې وه؛ د ټولو ریاستونو کارکوونکو ګډون درلود.
غونډه کې کارکوونکو ته توصیه او سپارښتنه وشوه ترڅو خپلې دندې د شریعت او نافذه قوانینو په رڼا کې ترسره کړي، همدارنګه کارکوونکي وهڅول شول چې د دندې پر مهال خپلو دیني،اخلاقي او وظیفوي اصولو او ارزښتونو ته ژمن و اوسي او خپل ځانونه په نبوي اخلاقو ښایسته او سمبال کړي. د غونډې ویناوالو کارمندانو ته د مجازاتو او مکافاتو اصول ور په یاد کړل او ددې اصل سره سم يي دندي او اصولو ته ژمن کارکوونکي دمکافاتو مستحق او کم کاري د مجازاتو مستحق وګڼل.
