د افغاني سرې میاستې ټولنې سرپرست رییس د ترکيې هېواد د سرې میاشتې له استازي سره وکتل!
یکشنبه د روان ۱۴۰۱ لمریزکال د وری (حمل) میاشتې پر۱۴ مه نېټه د افغاني سرې میاشتې ټولنې سرپرست عمومي رییس ښاغلي مولوي مطیع الحق خالص په کابل کې د ترکیې هېواد د سرې میاشتې له استازي ښاغلي فرید احمد ضیا سره په خپل کاري دفترکې وکتل.
په کابل کې د ترکیې د سرې میاشتې استازي ښاغلي فریداحمد ضیا د لیدنې تر څنګ له افغاني سرې میاشتې ټولنې سره د کړو ژمنو یادونه وکړه او په کابل کې یې د افغاني سرې میاشتې په مرسته د ۱۵۰۰۰ زره بېوزله هېوادوالو د روژه ماتي د مرستې ژمنه هم وکړه.
د افغاني سرې میاشتې سرپرست رییس ښاغلي مولوي مطیع الحق خالص د ترکیې هېواد د سرې میاشتې له مرستو د مننې ترڅنګ په راتلونکي کې د لا زیاتو او دوامدارو مرستو تاکید وکړ.
