خوست کې د افغاني سرې میاشتې له لوري ۳۰۰ کورنیو ته مرسته وویشل شوه!
نن سه شنبه د روان ۱۴۰۰ لمریز کال د کب پر ۱۰مه نېټه د افغاني سرې میاشتې له لوري د خوست ولایت د صبريو ولسوالۍ ۳۰۰ اړمنو کورنيو ته د خوراکي او غير خوراکي توکو مرسته د افغاني سرې مياشتې مرکزي سويل لويديځ سيمه اييزې همغږۍ د رییس ښاغلي مولوي الياس خېل ناصري په شتون کې ووېشل شوه.
یاده مرسته، چې د ترکیې هېواد خلکو او سرې میاشتې له لوري چمتو شوې وه؛ په کې هرې کورنۍ ته ۲۵ کیلو اوړه، د خوراکي توکو یوه بسته او د ژمنیو توکو یوه البسه شامل وو.
