بلخ کې پر ۲۱ سېلاب ځپلو کورنیو غیر خوراکي توکي ووېشل شول
پنجشنبه، ۱۵ شوال ۱۴۴۷
افغاني سرې میاشتې د بلخ ولایت د مرکز مزار شریف ښار په ګډون په ازرې او شولګرې ولسوالیو کې پر ۲۱ سېلاب ځپلو کورنیو بېلابېل غیر خوراکي توکي ووېشل.
په مرسته کې هرې کورنۍ ته ۲ ترپالونه، ۵ کمپلې، ۱ د پخلنځي د توکو سیټ، ۲ د اوبو بوشکې، ۱ څراغ، د نارینه او ښځینه وو څادرونه او یو شمېر نور اړین توکي ورکړل شول.
دغه مرسته د سېلاب ځپلو کورنیو د بېړنیو اړتیاوو د پوره کولو په موخه چمتو شوې وه.
افغاني سره میاشت د طبیعي او غیر طبیعي پېښو له امله د زیانمنو شوو هېوادوالو ملاتړ او لاسنیوي ته ژمنه ده.
