بدخشان کې ۵۰۰ کورنیو ته د افغاني سرې میاشتې له لوري د مرستو ویش پیل شو!
د بدخشان ولایت په وردوج ولسوالۍ کې د افغاني سرې میاشتې له لوري ۵۰۰ کورنیو ته د مرستو ویش پرون د مرغومي پر ۱۳مه په یاده ولسوالۍ کې ۲۱۷ کورنیو ته د مرستو پر ویش پیل شو.
په یاده مرسته کې ۸ قلمه مواد شامل دي، چې په کې ۱۰۰ کیلو اوړه، ۴۹ کیلو وریژې، ۱۴ کیلو لوبیا، ۱۰ کیلو بوره، ۴ کیلو مالګه، ۲ کیلو چای، دوه قطعۍ B۵ بسکوټ او ۲۰ لیتره غوړي شتون لري.
ټاکل شوې پاتې ۲۸۳ کورنیو ته به نن یاده مرسته وویشل شي. د بدخشان ولایت له وردوج ولسوالۍ وروسته به د یمګان ولسوالۍ ۵۰۰ جنګ ځپلو، وچکالۍ ځپلو او بې ځایه شویو اړمنو کورنیو ته هم یاده مرسته وویشل شي.
