باميان!
د افغاني سرې مياشتې ګرځند روغتیایي ټيمونه په هغو لرو پرتو سيمو کې روغتيايي فعاليت کوي چې وګړي يې روغتیایي مرکزونو ته لاسرسی نه لري، په یادو سیمو کې یوه هم د باميان ولایت د یکاولنګ نمبر یک ولسوالۍ ده چې د افغاني سرې مياشتې ګرځند روغتيايي ټيم په تېره يوه مياشت کې ۳۱۹۰ تنو هېوادوالو ته روغتيايي خدمات وړاندې کړي، چې له دې جملې يې د ۱۵۷۰ ناروغانو کتنه کړې او وړيا درمل يې ورکړي، ۱۹۱ ښځو ته يې واکسين تطبيق کړی، ۸۶ تنه ټپيان يې پانسمان کړي او ۱۱۶۰ هېوادوالو ته یې د روغتیا ساتنې په اړه پوهاوی او معلومات ورکړي.
