افغاني سرې میاشتې د ځوانانو د پوهاوي او مهارتونو د لوړتيا په موخه د ښوونیزو مرکزونو له لارې زرګونه تنه روزلي دي
شنبه، ١١ ربيع الآخر ۱۴۴٧
افغاني سرې میاشتې په تېره يوه اونۍ کې د ټول هېواد په کچه د ځوانانو او رضاکارانو د ۳٧ ښوونیزو مرکزونو له لارې په ټوله کې ٢٩٦٠ تنه زده کوونکو ته په بېلابېلو برخو لکه ښوونې او روزنې، شخصي او چاپېريالي روغتيا ساتنې، لومړنيو روغتيايي مرستو ترسره کولو او د پېښو له زيانونو د ځان ژغورنې اړوند زده کړې او عامه پوهاوی ورکړی دی.
ددې ترڅنګ د غړیتوب سېستم د مدیریت له لارې ۷٤ تنه نوي غړي هم جذب شوي دي.
