افغاني سرې میاشتې د انجنیرانو د ګمارنې لپاره تحريري ازموینه واخیسته
سې شنبه، ۲۲ شعبان ۱۴۴۷
د افغاني سرې میاشتې له لوري مرکزي دفتر کې د کونړ ولایت لپاره د چاپیریالي حفظ الصحې او ودانیزو چارو انجنیر پر خالي بستونو د وړ او مسلکي اشخاصو د ګمارلو په موخه له یو شمېر نوماندانو تحريري ازموينه واخیستل شوه.
ازموینه چې د کارکوونکو چارو ریاست له لوري ترتیب شوې وه، په کې ۱۳۰ تنو کاندیدانو ګډون درلود، چې د بشپړ عدالت او شفافیت په پام کې نیولو سره به د پوښتن پاڼو تر کتلو او تقريري ازموينې وروسته مخکښ ګډون کونکي په ګوته او پر دندو وګمارل شي.
