افغاني سرې میاشتې ته د ترکیې د سرې میاشتې د ژمنه کړې ۷۵۰ ټنه مرستې لومړی ریل ګاډی افغانستان ته را ورسېد
نن د ترکیې د سرې میاشتې له لوري له افغاني سرې میاشتې سره د ۷۵۰ ټنه بشري مرستې لومړی ریل ګاډی د هرات ولایت د تور غونډۍ بندر ته را ورسېد.
د یادې مرستې هرکلي ته د افغاني سرې میاشتې سرپرست مرستیال محترم ملا نورالدین ترابي، افغانستان کې د ترکیې سفیر ښاغلي جهاد ارګین، د افغاني سرې میاشتې د نړیوالو اړیکو رییس غلام حبیب حسام، د هرات والي مولوي اسلام جار، د افغاني سرې میاشتې د لویدیځ سیمه ییز ریاست رییس مصطفی نبي خېل، په افغانستان کې د ترکیې د سرې میاشتې استازی فرید ضیاء او یو شمېر نور کسان ورغلي وو.
