افغاني سرې مياشتې غزني کې د اورلګېدنې له امله یوې زیانمنې کورنۍ سره بېړنۍ مرسته وکړه
شنبه، ۱۹ شعبان ۱۴۴۷
افغاني سرې میاشتې د غزني ولایت د مرکز اړوند په روضې سیمه کې د اورلګېدنې له امله یوې زیانمنې کورنۍ سره د لنډمهالې سرپناه د برابرولو په موخه بېړنۍ مرسته وکړه.
په مرسته کې ۱ خېمه، ۷ کمپلې، ۱ ترپال، ۱ د پخلنځي د توکو سیټ او ۲ د اوبو بوشکې شاملې وې.
افغاني سره میاشت تل د طبیعي او غیر طبیعي پېښو له امله د زیانمنو شوو کورنیو لاسنیوي ته لومړیتوب ورکوي او هڅه کوي، چې د هغوی ژوند ته آسانتیاوې برابرې کړي.
