افغاني سرې مياشتې د ننګرهار ولایت بټي کوټ ولسوالۍ کې د مرستې په موخه ۵۰۰ بېوزلو او اړمنو کورنیو ته د مرستې کارتونه ووېشل.
د افغاني سرې میاشتې ختیځ زون ساحوي ریاست او ننګرهار سرې میاشتې نمایندګۍ د کارمندانو او رضاکارانو له لوري د بټي کوټ ولسوالۍ اړوند انبرخانه، چهاردي، غازی آباد، تکیه او يو شمير نورو کليو کې د۵۰۰ بېوزله او اړمنوکورنیو سروې د ربيع الاول د مياشتې په ۱۶مه نېټه د کارتونو په ورکړې سره پای ته ورسوله، چې يادو کورنيو ته به په نږدې راتلونکي کې د ترکيې هیواد د (IHH) مرستندويه بنسټ له لوري چمتو شوې خوراکي توکي د افغاني سرې مياشتې له لوري ووېشل.
