ارزګان کې ۳۰۰۰ اړمنو کورنیو سره د افغاني سرې میاشتې له لوري مرسته پیل شوه!
نن د جمعې په ورځ د روان ۱۴۰۰ لمریز کال د مرغومي پر ۱۷مه په ارزګان ولایت کې له ۳۰۰۰ اړمنو، وچکالۍ ځپلو، بې ځایه شویو او بې سرپرسته کورنیو سره د افغاني سرې میاشتې له لوري د مرستې ویش پیل شو. له مهال وېش سره سم نن له یادې مرستې د ارزګان ولایت په مرکز کې له ۵۰۰ کورنیو سره مرسته وشوه.
ټاکل شوې یادو ۳۰۰۰ اړمنو کورنیو ته به د افغاني سرې میاشتې له لوري د ارزګان ولایت په مرکز او ولسوالیو کې مرسته وویشل شي.
په یاده مرسته کې ۸ قلمه مواد شامل دي، چې په کې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بسکوټ او ۱۰ لیتره غوړي شتون لري.
