ارزګان؛ د ښوونيز مرکز زده کوونکو ته نشراتي جلسه ترسره شوه
يکشنبه، ٧ رجب ۱۴۴۷
د ارزګان نماينده ګۍ د ښوونیز مرکز ١١٢ تنو زده کوونکو ته د افغاني سرې مياشتې د پېژندنې، تاریخچې، نښان، اووه ګونو بنسټيزو اصولو او بشرپاله فعالیتونو په اړه نشراتي جلسه ترسره شوه.
دا راز، زده کوونکو ته په غونډه کې د ديني او عصري زده کړو د ارزښت په اړه هم هر اړخيز او مفصل معلومات وړاندې شول.
د يادونې وړ ده، چې دا مهال په ياد ښوونيز مرکز کې شاوخوا ١١٢ تنه زده کوونکي چې په شخصي ښوونيزو مرکزونو کې د فيس د ورکړې توان نه لري، د ديني علومو، انګليسي، کمپيوټر، ساينسي مضامينو او ليک لوست برخو کې په وړيا زده کړو بوخت دي.
