پنجشېر ولایت کې د افغاني سرې میاشتې له لوري ۶۰۰ نورو کورنیو ته خوراکي مرسته وویشل شوه!
د پنجشېر ولایت په پریان ولسوالۍ کې نن د روان ۱۴۰۰ لمریز کال د مرغومي پر ۲یمه نېټه د افغاني سرې میاشتې له لوري وروستیو جګړو زیانمنو کړو او بې سرپرسته کورنیو ته اته قلمه خوراکي مرسته وویشل شوه.
په یاده مرسته کې هرې کورنۍ ته ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او ۱ پاکټ BP5 بکسټ وویشل شول.
د یادولو وړ ده، چې په یاده ولسوالۍ کې له وروستیو پېښو وروسته دا لومړی ځل و، چې د افغاني سرې میاشتې له لوري مرسته وویشل شوه. دوه ورځې وړاندې د پنجشیر ولایت په ابشار ولسوالۍ کې هم د افغاني سرې میاشتې له لوري ۶۰۰ اړمنو کورنیو ته یاده مرسته ویشل شوې وه.
