د افغاني سرې میاشتې سرپرست عمومي رئيس په افغانستان کې د نړیوال فدراسیون له مرستیال سره وکتل!
د افغاني سرې میاشتې سرپرست عمومي رئيس په افغانستان کې د نړیوال فدراسیون له مرستیال سره وکتل!
نن شنبه د شعبان د میاشتې پر ۲مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور ددې خیریه ملي ټولنې په مرکزي دفتر کې په افغانستان کې د نړیوال فدراسیون له مرستیال ښاغلي احمد سلیماني سره د افغاني سرې میاشتې او نړیوال فدراسیون ترمنځ د همغږۍ پر پراختيا او ګډو فعالیتونو بحث او خبرې وکړې.
ناسته کې سرپرست عمومي رئيس د ګډو بشرپالو فعاليتونو د ترسره کولو برخه کې د نړیوال فدراسیون له دوامداره ملاتړ او مرستو د مننې ترڅنګ راتلونکي کې د لا ډېرو مرستو برابرولو غوښتنه وکړه.
دا راز ښاغلي دلاور د بشرپالو فعالیتونو د لا ښه والي او په چارو کې د چټکتيا رامنځته کولو په موخه د نویو نارینه او ښځينه رضاکارانو د ثبت او راجستر برخه کې معلومات وړاندې کړل او ښاغلي سلیماني ته يې ګډو چارو د ترسراوي په برخه کې د هر ډول همکارۍ او همغږۍ ډاډ ورکړ.
ورپسې د نړیوال فدراسیون مرستیال په خپلو خبرو کې د دواړو لوریو ترمنځ د دوه اړخیزو فعاليتونو د دوام او پراختیا ژمنه وکړه او زياته يې کړه چې له افغاني سرې میاشتې سره به خپلو مرستو او ګډ کار ته دوام ورکوي.
