سرپل ولايت کې ۶۸۳۸ تنه ناروغانو ته روغتیایي خدمات!
سرپل ولايت کې ۶۸۳۸ تنه ناروغانو ته روغتیایي خدمات!
د افغاني سرې میاشتې روغتياپالانو د سرپل ولايت په بېلابېلو سيمو کې د تېرو ۳۰ ورځو په ترڅ کې ۲۳۲۳ تنو ته د کتنې ترڅنګ د اړتیا وړ درمل ورکړي؛ د ۱۱۱ تنو ټپیانو پانسمان، ۹۸۵ مېرمنو او ماشومانو ته د بیلا بیلو ناروغیو د مخنیوي په برخه کې د واکسینونو تطبیق، ۱۸۴۷ کسانو ته د روغتیا ساتنې په تړاو اړینې مشورې، ۲۹۰ مېرمنو ته د زیږون په برخه کې خدمات، ۸۲۳ خوارځواکو ماشومانو ته د خوارځواکۍ اړوند خوراکي توکي او ۴۵۹ تنو مېرمنو ته يې د کورني تنظیم د چمتووالي په برخه کې لازمې مشورې هم ورکړې دي.
