پنجشېر کې پر ۳۰۰ اړمنو کورنیو د روژې په مناسبت خُرما ووېشل شوه
یکشنبه، ۱۲ رمضان ۱۴۴۷
د افغاني سرې میاشتې له لوري پنجشېر ولایت کې پر ۳۰۰ اړمنو او بېوزله کورنیو ۲.۴ ټنه خُرما ووېشل شوه.
دغه مرسته چې د روژې په مناسبت ترسره شوه، موخه یې په دې مبارکه میاشت کې د یادو کورنیو لپاره د روژه ماتي پر مهال د آسانتیا برابرول و.
ياده مرسته چې د ملک سلمان د بشري مرستو مرکز له لوري چمتو شوې وه، پکې هرې کورنۍ ته ۸ کيلو خُرما ورکړل شوه.
افغاني سره میاشت هڅه کوي، چې له اړمنو او بېوزله کورنیو سره د هر اړخیزو بشري مرستو لړۍ په دوامداره توګه وساتي او د هغوی په ژوند کې آسانتیاوې رامنځته کړي.
